பெண்மை

ஆக்கம் முதல் அழிவு வரை

எத்தனை தாக்கம்

இந்த பெண்கள் !



பொழுதுகளில் மாறிவிடும் உணர்வுகள்

புரியாத உணர்ச்சி வெளிப்பாடுகள்

இவர்கள் - விடுகதை

விடை - விஸ்வரூபம் !



இந்த வளைவுகளில் முந்தாதீர்

வடிவமைப்பு வேதியல் படைத்தவனுக்கே

கேள்விக்குறி !



சூத்திரங்கள் புரிந்தாலும்

பெண்களும் எண்களை போல

கடினப் படுத்தும் கணக்குகள் !



இவர்களை இவர்களால்

ஆண்மை ஆளப்படுவதும், அடிமைப் படுவதும்

வானியல் அறிவுப்புகள் போல !



கோபங்களில் சமத்துவம் பேசும்

வெறுமைகளில் சண்டையும்,

பொறுமைகளில் சந்தேகமும்

தயாரிக்கும் இவர்கள்

அன்பின் அடையாளங்கள் !



இன்பமும் இவர்களே

துன்பமும் இவர்களே !

என் வேண்டுதல் எல்லாம்

கலாச்சார மாறுதல்கள்

இவர்களை மாற்றினாலும்

பெண்மை மாறாது இருக்கட்டும்.
 
by rasamby.